Zindagi milti nahi,
Usse dhundhna padhta hai,
Manzil milne ke liye,
Raaston me bhatakna padhta hai…
Kore kagaz ko padhne ke liye,
Khamoshi aur lafz dono zaruri hai,
Yun toh paani bhi moti,
Aur moti bhi paani hai…
Aise toh rang me bhi rangna padhta hai,
Sirf andheron me rehne se ujala kaha milta hai…?
Saath se darr hai,
Ya darr se saath ho,
Muskurah dil se rahe ho,
Ya sirf duniya ko dikha rahe ho…
Kone me baithe ho,
Ashqe baha rahe ho,
Ye toh batao dil bhar aaya hai,
Ya fir kisi ne purane zakhmon ko jagaya hai…?
Aaj bhi kal jaisa ja raha hai,
Na jaane kyun ye dil aage nahi badh pa raha hai…
Photo by Mathias Reding:
Koshishon me khamiyaan reh gayi,
Patthar ko pighlane me thodi kasar rahegi…
Usne mujhse kuch kaha hi nahi,
Aur maine usse kuch pucha hi nahi,
Woh mujhe mili hi nahi kahi,
Akhir sapno ke duniya se bahar aati kaise…?
Arse beet gaye uske intezaar me,
Khat ke saath woh shakhs kabhi lauta hi nahi…
Aaj pehli baar woh khulke hasi,
Kisi or ki aankhon me usse apni chavi mili…
Mai tha hi nahi kisi ka kabhi,
Ye baat ab pareshaan nahi karti…
Rokne ko aasoun uske nain se,
Haath mere utne durr pohche nahi,
Zulfe uski meri or dekhti rahi,
Palke meri kahi aur jhapki nahi…
Zindagi Milti Nahi Usse Dhundhna Padhta Hai
Written by Aamina Khan